ရေသန့်စက်ဝယ်တပ်လိုက်တယ်၊ ခဏလေးနဲ့ ပျက်သွားတယ်ဆိုတဲ့ ပြဿနာကြုံဖူးကြလားဗျ? ဒီပြဿနာမျိုးကဘယ်သူ့မှာ တာဝန်ရှိတယ်ထင်ကြပါသလဲ? အများစုကတော့ ရေသန့်စက်တပ်တဲ့ company ကိုပဲ အပြစ်ပုံချကြတာပေါ့။ 75% လောက်တော့မှန်ပါတယ်။ ရေသန့်စက်တစ်ခုပျက်ရတဲ့ အခြေအနေရဲ့ 75% လောက်က ရေသန့်စက်တပ်ဆင်ထားတဲ့ အနေအထား၊ တွက်ချက်ပုံနဲ့ အသုံးပြုတဲ့ ပစ္စည်းတွေမမှန်လို့ဖြစ်ရတာများပါတယ်။ အဲ့တော့ ဒီပြဿနာကို အပိုင်း ၃ ပိုင်းခွဲပြောပြပါမယ်။
ပထမ ပြဿနာ 75% က
1. ရေသန့်စက် တပ်ဆင်ရေး company များ၏မကျွမ်းကျင်မှု(သို့)ပေါ့ဆမှု
ရေမစမ်းပဲစက်တပ်ဆင်လိုက်မယ်၊ ရေတော့ စမ်းတယ် design ကို စနစ်တကျတွက်ချက်မှုမရှိပဲ အလွယ်တပ်ဆင်ပေးလိုက်တယ်၊ စနစ်တကျတော့ တွက်လိုက်ပါရဲ့၊ တပ်ဆင်တာ ပစ်စလက်ခက်တပ်သွားတယ်စတဲ့ အကြောင်းတွေကြောင့် ရေသန့်စက်ပျက်ရတာပါ။ ဒီပြဿနာကို customer ဖက်က ဘယ်လိုကာကွယ်မလဲ? Customer တွေကဖက်က ဂျင်းအထည့်မခံရအောင် basic knowledge လေးအချို့တော့ ရှိရပါမယ်။ (ဂျင်းမမိဖို့ကတော့ ဒီ link လေးမှာဝင်ဖတ်နိုင်ပါတယ် : https://bit.ly/3jI6cJK) Service provider တွေအနေနဲ့လဲ design ပိုင်းမှန်အောင်တွက်ချက်ဖို့အရေးကြီးသလို design ဆွဲပြီးတိုင်းလဲ အနည်းဆုံးတော့ on paper စာရွက်ပေါ်မှာ pilot test လေး run ပြီး error checking လုပ်သင့်ပါတယ်။ Project ကြီးတယ်ဆိုရင်တော့ ဖြစ်နိုင်ရင် onsite မှာ pilot test လုပ်ဖို့အကြံပေးပါတယ်။ကိုယ်က ဘယ်လောက်မှန်တဲ့ design လုပ်လုပ် installation team ရဲ့ပေါ့ဆမှုကလဲ ကိုယ် project တစ်ခုလုံးကိုပြဿနာတက်စေနိုင်လို့ installation မှာလဲ သေသေချာချာ supervise လုပ်ဖို့ အရေးကြီးပါတယ်။ ကိုယ့် marketing, sales, designing နဲ့ installation team တွေအကုန်လုံးက ရေသန့် engineering နဲ့ ပတ်သက်တဲ့ knowledge တွေ theory တွေကို အမြဲ update လုပ်နေရပါမယ်။
ကျန် 25% လောက်ကတော့ အောက်က ဆက်ပြောမဲ့ အချက်တွေကြောင့်ဖြစ်တာပါ။
2. Customer ရဲ့ ကိုယ့်ပစ္စည်းအပေါ် ဂရုမစိုက်မှု
Customer များကလဲ ရေသန့်စက်တစ်ခုဝယ်ပြီးပြီဆိုရင် ပစ်ထားကြတာများတယ်ဗျ။ Maintenance free / maintenance zero ဆိုတဲ့ ရေသန့်စက်မျိုး ကမ္ဘာပေါ်မှာ မရှိပါဘူး။ အဲ့အတွက်ကြောင့် service provider က ညွှန်ကြားတဲ့အတိုင်း လိုအပ်တဲ့ maintenance ကို ပုံမှန်ပြုလုပ်ပေးဖို့လိုတာပေါ့။ ဥပမာ - FRP အိုးတွေကို backwash ဘယ်လောက်တစ်ခါ လုပ်ပါဆိုတာမျိုး၊ filter တွေ ဘယ်လောက်တစ်ခါ စစ်ဆေးပြီး အသစ်လဲပေးပါဆိုတာမျိုးပေါ့။ Customer တွေကိုယ်တိုင်က maintenance ကို ဂရုမစိုက်ပဲ ပြဿနာတစ်ခုခုဖြစ်တော့မှ service provider ကိုဖုန်းဆက်၊ ချက်ချင်း urgent service လုပ်ပေးပါပြော၊ service provider က အဆင်မပြေလို့ ချက်ချင်းမလာနိုင်တဲ့အနေအထားမျိုးဆိုရင် customer နဲ့ service provider ကြားထဲက relationship က ပျက်ပါပြီ။ အဲ့အတွက်လဲ နိုင်ငံခြားမှာ service provider တွေက service contract ဆိုတာကို အစောကြီးထဲက customer နဲ့ ချုပ်ဆိုကြတာပါ။ ဒီမှာကျတော့ service contract လုပ်ရင် အပိုငွေကုန်တယ်ထင်ပြီးမလုပ်ကြတာများပါတယ်။ တကယ်တော့ service contract ဆိုတာ အထက်ကပြောခဲ့သလို customer နဲ့ service provider ကြားတင်းမာမှုတွေ အတတ်နိုင်ဆုံးမဖြစ်အောင်လျှော့ချပေးနိုင်တဲ့ အတွက် အင်မတန်အရေးကြီးပါတယ်။
3. အခြားထိန်းချုပ်လို့မရတဲ့ ကိစ္စများ
မိမိရဲ့အဝင်ရေ quality ပြောင်းလဲသွားမှု၊ ရေပျက်လပ်သွားမှု၊ စတာတွေကျတော့ customer နဲ့ service provider တွေထိန်းချုပ်လို့ရတဲ့ ကိစ္စမဟုတ်ပါဘူးဗျ။ ကျွန်တော်ကြုံဖူးတဲ့ အတွေ့အကြုံလေးတစ်ခုမှာဆိုရင် နိုင်ငံခြား coffee ဆိုင်တစ်ခု ရန်ကုန်က အဆင့်မြင့် ကုန်တိုက်တစ်ခုမှာ လာဖွင့်ပါတယ်။ ရေခဲစက်အတွက် ကျွန်တော့ company ကလိုအပ်တဲ့ ရေစမ်းသပ်မှု ၁-၂ ကြိမ်ခန့် ပြုလုပ်ပြီး သင့်တော်တဲ့ treatment စနစ်ကို တပ်ဆင်ပေးခဲ့ပါတယ်။ ပြဿနာက ဘာဖြစ်လဲဆိုတော့ နောက်ပိုင်းရေခဲစက်ထဲမှာ ထုံးဂျိုးလိုအဖက်များဖြစ်လာတာမျိုး၊ filter တွေက အချိန်မတိုင်ပဲ ပိတ်လာတာမျိုး စတဲ့ ပြဿနာတွေတက်လာပါတယ်။ အဲ့အခါ လိုအပ်တဲ့ ပြန်လည်စစ်ဆေးမှုတွေလုပ်လိုက်တော့မှ အဝင်ရေ quality က ဆိုးဆိုးရွားရွားကို ပြောင်းလဲနေတာကို စစ်ဆေးမိပါတယ်။ ဒါတောင် ကျွန်တော်တို့က 4 လ 1 ကြိမ် service contract နဲ့ service ပေးနေတာပါ။ ဇစ်မြစ်ကိုလိုက်ရှာမှ အဲ့ အဆောက်အဦးကြီး တစ်ခုလုံးအတွက်ရေပေးဖို့ တွင်းပေါင်း စုစုပေါင်း ၁၅-၁၆ တွင်းလောက်ကနေ တစ်နေ့ကို ၂ တွင်းနဲ့ အဆင်ပြေသလို လှည့်မောင်းပေးနေတာပါတဲ့။ ရေ quality ကလဲ အဲ့ဒါမို့ မှန်းမရပဲ ကောင်းတစ်လှည့် ဆိုးတစ်လှည့်ဖြစ်ပြီး သူတို့ main treatment ကပါမနိုင်မနင်းဖြစ်၊ နောက်ဆုံး customer ရဲ့ စက်တွေမှာပါ ပျက်ဆီးမှုတွေဖြစ်ရပါတယ်။ အဲ့လို ကိစ္စမျိုးမှာတော့ကျွန်တော်တို့က customer နဲ့ သူမှန်တယ်ကိုယ်မှားတယ် ငြင်းမနေပဲ အခြေအနေပေါ်သုံးသပ်ချက်ကို customer ကိုသေချာရှင်းပြပြီး customer နဲ့အတူ အဆောက်အဦးရဲ့ တာဝန်ရှိသူတွေထိ လိုက်ပါဖြေရှင်းပေးခဲ့ပါတယ်။ ပြောချင်တာတော့ ကိုယ်ထိန်းချုပ်လို့မရတဲ့ ကိစ္စတွေကြောင့်ဖြစ်ပေါ်လာတဲ့ ပြဿနာမျိုးမှာ customer ရော service provider တွေကပါ တစ်ယောက်နဲ့ တစ်ယောက် အပြစ်မပြောပဲ အတူဖြေရှင်းရင် အဆင်ပြေနိုင်ပါတယ်။
အဲ့အတွက် ရေသန့်စက်/ရေသန့်စနစ်တစ်ခုကို စတင်တပ်ဆင်မယ်လို့ ဆုံးဖြတ်လိုက်ကတည်းက customer ရောservice provider ပါ ကိုယ်အပိုင်းကိုယ် စနစ်တကျ တာဝန်ယူသွားရင် ရေသန့်စက်တွေ ခဏလေးနဲ့ မပျက်ပါဘူးဗျာ။
ကျေးဇူးတင်ပါတယ်။
Dr. Sai Aung Thant Zin
Comentarios